viernes, 20 de diciembre de 2013

Un paxe na escola

Como todos os anos, un paxe do Pai Natal achegouse á escola cargadiño de galdrumadas e cun agasallo para os nenos e nenas de Vide.

Esta vez todos discutían se sería "parecido" ao pai de Antón ou ao pai das xemelgas, pero cando apareceu o paxe pola porta da Biblioteca, que como TODO O MUNDO SABE estaba pechada con chave, e non tiña xeito de ter entrado se non fose o "verdadeiro".... quedaron tan abraiados que se fixo  o silencio ata que comenzaron a berrar e aplaudir.

E todos contentos. Tamén o "paxe" que este ano non tivo que sofrir que todos os nenos e nenas estivesen a quitarlle parecidos co pai de alguén.

E houbo agasallos para todos e todas, ata para a mestra.







jueves, 19 de diciembre de 2013

Actividades Nadal

Este é o calendario de actividades para este Nadal.
Non esquezades as citas!!!

miércoles, 18 de diciembre de 2013

Polo Nadal: libros

Que mellor agasallo polo Nadal que un libro para ler, outro para xogar, outro para inventar e outro para bailar?

Abre o boletín e verás as nosas propostas:

martes, 17 de diciembre de 2013

Biblioteca de agasallo

Se poñemos a escola "de nadal", non pode faltar o mellor agasallo de todos:

Velai vai:


lunes, 16 de diciembre de 2013

Escola en Nadal

Este mes todo vai de Nadal, o traballo vai arredor dos contos ,os cantares e tamén xogos plásticos co tema do nadal ou do inverno, e todos, nen@s e mais eu empezamos a inventar, a facer... e era tan divertido que seguimos a facer a a facer...

E como cada día inventabamos algo, cada día a escola quedaba máis bonita.

jueves, 5 de diciembre de 2013

Uñas de cores: profe, hai un problema

Chegou Antón a clase coas uñas pintadas, cada unha da súa cor. Pintáraas na casa da súa avoa e viña todo contento. Como houbo alguén que dixo que iso non era cousa de nenos,  na roda falouse, e chegaron á conclusión de que pintarse as uñas de cores estaba "guai", foras neno ou nena.

Quedamos que para o día seguinte, TODOS, iamos vir a escola coas uñas de colorines. Na hora da saída falamos coas nais e pais e quedou decidido.

E o martes as uñas de todolos nenos e nenas, mestra incluída, eran un festival de cores. Todos ensinaban as súas mans cheos de fachenda, así que aproveitamos "o tirón" para pasar a mañan traballando mans, cores, series, e suma e segue.

Pero o mércores pola mañan, á chegada, Saul achegouse a min todo cariacontrecido:

- Profe, hai un problema...
- E logo , qaue pasa?.
- Pois que os nenos da cidade non se enteran de nada....
- ....?
- Que onte fumos eu, Marcos e Diego á cidade ao cumpreanos do meu primo, e todos se riron de nós por levar as uñas pintadas! Están chouchos! Non se enteran de naaaadiña!
Entón intervén Marcos:

- De verdade que non se enteran. Tampouco sabían onde se poden cazar rás, así que mira ti.
- Profe, vas tes que ir a explicarlles ti as cousas, porque  imos ter un problema- rematou Saul.

Diego que ata aquí estaba ao seu, poñendo o mandilón, saca a man pola manga e di:

- E tamén lle explicas o do río Miño!
-........?

E marcharon os tres, Saul e Marcos e Diego, correndo e saltando pola escola adiante .

Eu quedei chantada no chan, mirando para eles.


Pois si que hai un problema......... e iso que a "cidade" era Ponteareas.........


lunes, 2 de diciembre de 2013

Recursos para o nadal


Chegou decembro e con el o Nadal.

Nesta entrada recollo algúns recursos para traballar na escola:


  • Para traballar O APALPADOR,  enlace a un recopilatorio de videos, cantigas, contos... AQUÍ
  • Para decorar a escola, se premes na imaxe, unhas ideas que recollín na rede:






E preme nesta outra imaxe para atopar enlaces a xogos co tema de Nadal







miércoles, 27 de noviembre de 2013

Xogos tradicionais

Chegou Saul de visitar a súa avó da aoutra marxe do Miño e tentou ensinarnos un xogo-cantiga que lle cantara ela.
- É un xogo, pero tamén é unha cantiga e máis un chiste.
Pero non se lembraba del, así que chamamos a Mariló, a súa nai, que víu onda nós a escola e aprendéunolo a todos.

Comenza como un conto:

As campás de Sela anunciaban:


- TEN LENDIAS, TEN LENDÍAS!!!



E as campás de Barcela contestaron:



- QUITAILLAS, QUITAILLAS, QUITAILLAS!!!



As campás de Ribarteme dixeron:



- CON QUE?, CON QUE?, CON QUE?



Entón dixeron as campás de Vide:



- CO MARTELOOOÓN, CO MARTELOOOOÓN !!!!!


E despois de estar a xogar toda a mañán, quedounos así:




martes, 26 de noviembre de 2013

Novidades Outono

Estamos a piques de desmontar a exposición  NOVIDADES DE OUTONO que servíu  para achegarnos aos novos libros da biblioteca.


De entre todos , recomendamos estas "novidades"


"A historia dos bonobos con lentes",  de Adela Turín e Nella Bosnia, tiñámolo en castelán e agora temos a oportunidade de lelo en galego gracias á editorial  Kalandraka




Polo difícil que é atopar libros informativos en galego para os máis pequenos, recomendamos a colección  O MEU  MUNDO da  Editorial Monterrey  : "O olfato"   "O oído" "O tacto"   "A vista"





De Patasdepeixe Editora, "O libro dos opostos" , cheo de lapelas para levantar e pestanas para turrar delas.



Debuxar con...Joan Miró", da editorial Gallimard Jenesse, un libro para xogar mentras se aprende a debuxar como Miró.



"La librería ambulante", de Christopher Morley, en editorial Periférica, un libro para ler "as maiores" cun sorriso na boca







viernes, 22 de noviembre de 2013

Dignificada

Vai chegando o 25 de novembro e quero compartir esta cantiga de Lila Downs . Vai por todas.


jueves, 21 de noviembre de 2013

Máis de Magosto

De cando a Festa do Magosto e Samaín quedárannos castañas e candeas, asi que , a semana pasada decidimos seguir tamén  de Magosto porque

"polo san Martiño, vai ve-lo teu soutiño" que

"as castañas si despois do san Martiño quedan no souto son do moucho", e "castañas no Nadal saben ben e parten mal"

de xeito que:


Xogamos:
 
- Como te chamas?
- Comecastañas
- Eu a como e ti as apañas

Ou ben:

- Como te chamas?
- Comecastañas.
-  E de apelido?
- Caldo cocido

Cantamos:

Non chas quero , non chas quero
castañas do teu magosto.
Non chas quero, non chas quero,
que me cheiran ao chamosco.


Mociñas de aló arriba
vídevos ó fiadeiro
que vos hei de dar castañas
cando eu sexa castiñeiro



Santo que estás no canizo
bota castañas embaixo
que anque non teño mandil
acadochas no refaixo




A castaña no ourizo
quixo rir e reventou
caeu do castaño embaixo
mira ti o que gañou
.



E logo.... outro  MAGOSTIÑO!!!



 














 Pero esquecimos que:

" Non te fíes das castañas asadas, se estoupan, sáltanche á cara".

E saltaron.
 


 



martes, 19 de noviembre de 2013

Para cantar os Reis

Este é o repertorio que levaremos este ano paa cantar os reis:


a cantar!

domingo, 17 de noviembre de 2013

martes, 12 de noviembre de 2013

O peón vai ao camiño

Polo san Mariño o peón vai ao camiño, e nós, como non, fixemos caso.
 Alá vai!

O peón foise para o camiño:


jueves, 7 de noviembre de 2013

Teatro en Ourense

Fumos a Ourense a ver unha preciosa obra de teaatro: "Nuncabunga" de Elefante Elegante, obra ga
ñadora do premio "María Casares" ao mellor montaxe teatral. E non nos defraudou.
Pagou a pena a viaxe e os cartos- 200 euros- que tivemos que pagar pola viaxe ata Ourense.

 

Servíunos ademáis parar aprender de mapas, vehículos, ríos e encoros, así que, aproveitamos ben a saída.
Se non fora polos cartos haberíamos de facer mais, pero.....


sábado, 2 de noviembre de 2013

Festa de Samaín

O xoves, 31 de Octubro; pola tarde, celebramos a festa do Samaín e o Magosto na Casa da Auga.
Houbo obradoiro de caveiras, de maquillaxe, xogos,  e... festa, moita festa, ata tivemos actuación das "Saíñas" que cantaron e tocaron a pandereireta para todos nós.

Por suposto tamén tivemos Magosto e comimos castañas asadas.

Á noitiña, acendimos as velas dentro das caveiras e puxémolas no balado, ao pé do cruceiro, para espantar ás ánimas.

jueves, 31 de octubre de 2013

Cantando o Samaín

Hoxe houbo obradoiro de caveriras na escola e viñeron algunhas nais para axudarnos a cortar as cabazas.

Logo de recoller todo cantamos o:

"tumba por aquí
tumba por alá...."

e pintámonos a cara para dar mas medo, e nsaiando para a festa de mañán.

Aquí esta a proba do bo facer destes "inxeñeiros":



martes, 29 de octubre de 2013

Samaín

O xoves pola tarde celebraremos na Casa da Auga a festa do Samaín e o Magosto. Haberá obradoiros de caveiras e de maquillaxe, magosto, cantigas e xogos.... Cando chegu e a notiña sairemos como os outros anos en procesión polas corredoiras deixando as caveiras nos balados e nos cruceiros para espantar as ánimas. Estades TODOS e TODAS invitados, pero non esquezades levar a cabaza, o disfraz e moi importante, as castañas para asar.


E aproveitando os dáis libres podemos redescubrir os libros de medo:


que están expostos no andel, para que nos os teñas que buscar pola Biblioteca adiante:



domingo, 27 de octubre de 2013

Serán de Barcela

Os nosos veciños da parroquia de Barcela celebraron onte o seu Serán, e as "Saíñas" de Vide estaban invitadas.

Tiñamos moi ben ensaiadas as cantigas que ían interpretar:

- A danza de Xesta, do repertorio das Pandereteiras do Suído.
- O pasodoble de Lasoxo, na que pequeniños e menos cativos tocan as piñas.
- Don Melitón. unha cantiga infantil da nosa zona.

Esta vez decidimos que ían sacar as cantigas os máis pequerrechos, e a responsabilidade recaíu en:
Antón, Uxúe, Marcos e Noa.

Que orgullosos nos sentimos todos cando como verdadeiros "profesionais", ali no escenario cantaron, tocaron as pandeiretas, as piñas, e ata bailaron : dame un abrazo, don Melitón, dame un biquiño...

Un biquiño non, un cento deles e outro cento de vivas e aplausos foi o que levaron!!!!!!!




Noraboa aos nosoa veciños polo seu serán, e felicidades tamén a mamá de Antón que lle "tocaron" catro pitiños no sorteo das rifas.

sábado, 26 de octubre de 2013

Recursos samaín


O curso pasado fixemos una entrada neste blog con recursos para o Samaín. Este ano o que fixemos foi act:ualizala:


"Deixo aquí os enlaces aos recursos que estamos utilizando en clase no traballo SAMAÍN, recursos dirixidos a nen@s menores de 6 anos, que é o noso alumnado. A meirande parte deles xa os traballamos e gustáronnos.

É un recopilatorio de actividades lacalizadas directamente en internet ou ben a través do traballo realizado por outras bibliotecas escolares. A tod@s gracias".

Para imprimir e colorear/recortar:



Xogos e actividades on line


Negrita


Manualidades:


Cociña do Samaín:


Videos:




Se queres unha páxina con moitos recursos para todas as edades, preme entón en:


E para rematar, este video de Mamacabra:





viernes, 25 de octubre de 2013

Día das bibliotecas

Sempre temos un agasallo para a nosa Biblioteca no seu día.

 O alumnado de Vide "come" decotío nos seus libros, un menú extraordinario , por iso deixamos falar aos ratiños para que todo o mundo soubese o que pode pasar si un "rato" vive na biblioteca.


 

miércoles, 23 de octubre de 2013

Unha biblioteca chea de ratos


Todos os días, o primeiro que facemos é averiguar que cearon os ratiños da nosa biblioteca.
O primeiro non, o segundo, porque primeiro teño que buscar os ratos- previa sesión de maquillaxe- que están agochados na biblioteca.
E aparecen todos os ratiños, cada un co  libro que lle servíu para procurar unha boa cea : cabalos, nubes, tractores, laranxas, galiñas... un menú do máis extraordinario, porque , como di Diego, da igual o libro que collas, sempre encontras "algo".

lunes, 21 de octubre de 2013

O rato que comía gatos

Este precioso conto de Rodari está editado por SM, e chegou o outro día á nosa Biblioteca.
Como estamos en octubro, o mes das bibliotecas, dicidimos traballar con el "a fondo".
E convertímonos en ratiños de biblioteca para comer de tooooodo, pero iso si, seleccionando a comida.
Un día só comimos de libros "para ler acompañados", outro día,dos libros "do contorno", outro, "libros do 5", e así, un día tras outro, estamos a darlle un bo repaso á nosa biblioteca.



viernes, 18 de octubre de 2013

Magostiño

Como tiñamos as castañas que fomos apañar o outro día decidimos facer un magosto pequeniño, un MAGOSTIÑO, só para nós, no patio da escola.

Fomos apañar candeas e puxémonos ao labor. Apresa, que o ceo estaba tinguido de nubeiros de chumbo e non queríamos que nos pillara a chuvia.

As castañas asáronse e démonos unha enchenta con elas.

Mentras, fora, chovía e chovía.... e nós quentiños comendo castañas asadas.

E  rematamos facendo a lista coas 10 cousas  que hai que facer para ter un Magostiño:

- 1 APAÑAR CASTAÑAS
- 2 APAÑAR CANDEAS
- 3 EXTENDER AS CANDEAS NO CHAN
- 4 BOTAR AS CASTAÑAS NO MEDIO
- 5 TAPALAS CON MÁIS CANDEAS
- 6 PRENDERLLE LUME
- 7 ESPERAR A QUE SE CONSUMA
- 8 RECOLLER AS CASTAÑAS ASADAS
- 9 TAPALAS CUNHA VERZA.
- 10 e.. COMELAS!


miércoles, 16 de octubre de 2013

A vendima

A escola rodeada de vendima e vendimador@s, non pode quedar fora, así que esta vez decidimos investigar acudindo as mellores fontes de información:

O alumnado da unitaria decidíu por unanimidade que eran, por este orde:
- a mamá.
- a avoa.
- o papá.

Na fase "coñecementos previos", quedou demostrado que algún dos alumnos- en especial Saul- era un verdadeiro erudito na materia a investigar, e que todos en xeral, tiñan coñecementos previos abondo.

Aínda así decidimos acudir as "fontes"  para responder a:

- Como pasa o mosto a ser viño?
- Que é un lagar?
- Que son os bocois?

Cadaquén escribíu o seu papeliño e fixo a súa propia investigación.

Un exitazo a elección das fontes. En dous días TODO RESOLTO, e POR ESCRITO!!!





martes, 1 de octubre de 2013

Aldea total

Mentras esperabamos polas "obras", aproveitamos para aprender de excavadoras, camións, compactadoras, pavimentadoras..... unha chea de máquinas espectaculares que fixeron as delicias de nenos e nenas, cun  "profe" de luxo, o avó de Ruth, que nos foi explicando as diferentes procesos de traballo para o asfaltado das rúas.
E chegou o día que comenzaron a asfaltar e.....

a parte de diante da unitaria LIBROUSE DE ASFALTO!!!.

 As máquinas- sabiamente guiadas- fixeron unha maravillosa curva seguindo a linea orixinal do camiño e deixaron o frente do edificio liberado.

Agora teremos que seguir chamando ao Concello para que seguen a herba cando medre, teremos que pedir axuda a avoa de Samara para podar as hortensias. Ás veces, cando chova moito, haberá pozas, e teremos que poñernos as botas para saltar dentro delas..... enfín unha morea de traballo , pero

que lle imos facer se estamos na ALDETOTAL!!!

Esta vez libramos.





martes, 24 de septiembre de 2013

Outono

Chegou o outono e fomos velo.

As follas das árbores amareleando, o sssssss do vento, o ceo con nubeiros, a nogueira de Camilo inzada de noces no chan, as uvas listas para vendimar, a nai de Laura traballando no tractor, as cabazas de Teresa a secar, as castañas no chan- apañámolas lixeiriños- a figueira da avoa de Samara aínda con figos..... e botamos a correr de volta para a escola, antes de que nos pillara a chuvia, coas mochilas cheas de outono.
Na escola fomos a Biblioteca a comprobar que nos andeis de "libros do contorno", ou nos andeis do "5", atopábamos "probas documentais".

E había.