lunes, 9 de noviembre de 2009

Cocer o pan

O remate do traballo sobre o millo era, como non, facer un bolo, cocelo e... comelo.
Peneiramos a fariña e logo levámola, nunha mochila viaxeira, ata o Souto, onde nos esperaba Isabel para facero bolo.

Misturamos a fariña milla cunha pouca triga, botámoslle un pouco de auga quente, sal, e amasamos un bolo grande e moitos pequenos, un para cada un.

Cocímolos no forno da cociña de ferro e esperamos un pouco.

Logo, cos bolos na mochila, voltamos correndo á escola, puxemos a mesa e comimos un exquisito bolo feito co millo que plantamos, cuidamos, esfollatamos, debrullamos, levamos a moer e cociñamos.

E como aínda nos quedaba un pouco de tempo xogamos a facer casiñas de tiricós.

Desta vez fomos quen de seguir un proceso completo. Quen nos ía dicir que duns grauciños pequenos que sementamos na primavera pasada podíamos tirar tanto rendemento!


2 comentarios:

Anónimo dijo...

Ola nenas e nenos de Vide!! Chámome Ledi,vivo en Lugo e son amiga da vosa mestra. Encantoume ver hoxe como fixéches pan, seguro que eses bolos que fixéches estaban moi bos. Entro moitas veces a ver o voso blog (que é dos meus preferidos) porque eu estou estudando para ser mestra e aprendo moito con todo o que facedes vos na vosa escola. Mándovos moitos bicos a todas e todas. Ate a próxima!!!!

Unitaria de Vide dijo...

Saúdos Ledi, e unha apreta moi forte.

Sabela